அமெரிக்காவில் இரண்டு விமானங்கள் நேருக்கு நேர் மோதல். பெரும் பரபரப்பு
அமெரிக்காவில் உள்ள ஸ் ஏஞ்சல்ஸ் நகரின் கடல் பரப்புக்கு மேல் நடுவானில் பறந்து கொண்டிருந்த இரண்டு சிறிய ரக விமானங்கள் ஒன்றுக்கொன்று நேருக்கு நேர் மோதி கடலில் விழுந்தது.
லாஸ் ஏஞ்சல்ஸ் துறைமுகம் அருகே அதிகாலை 3.30 மணிக்கு நடந்த இந்த விபத்து குறித்து தகவல் அறிந்தவுடன் உடனடியாக மீட்புக்குழுவினர் சிதறி விழுந்த விமானத்தின் பாகங்களை தேட தொடங்கினர். இந்த இரண்டு விமானங்களிலும் எத்தனை பேர் பயணம் செய்தார்கள் என்ற விபரங்கள் இதுவரை வெளிவரவில்லை.
இரண்டு விமானங்களையும் மீட்கும் பணியில் மீட்புக்குழுவினர் மற்றும் நீச்சல் வீரர்கள் தீவிரமாக ஈடுபட்டு வருகின்றனர். இதுவரை இரண்டு விமானங்களின் பின்பகுதி மட்டும் கிடைத்துள்ளதாகவும் மீதிப்பகுதிகளை தேடும் பணி இரவுபகலாக நடைபெற்று வருவதாகவும் அமெரிக்க கடற்படை அதிகாரி ஒருவர் தெரிவித்துள்ளார். இந்த விபத்து காரணமாக லாஸ் ஏஞ்சல்ஸ் துறைமுகம் மூடப்பட்டுள்ளது.
Chennai Today News: 2 planes crash in midair, plunge into the ocean off Los Angeles
