ஹாலிவுட் படத்தில் கமல்ஹாசன்-ஸ்ருதிஹாசன்
‘தூங்காவனம்’ படத்தை அடுத்து உலக நாயகன் கமல்ஹாசன் முதன்முதலாக தனது மகள் ஸ்ருதிஹாசனுடன் ஒரு படத்தில் நடிக்கவுள்ளதாகவும், இந்த படத்தை பிரபல மலையாள இயக்குனர் ராஜீவ் குமார் இயக்கவுள்ளதாகவும் வந்த செய்தியினை ஏற்கனவே பார்த்தோம். இந்நிலையில் விரைவில் கமல் ஒரு ஹாலிவுட் படத்தை இயக்கவுள்ளதாகவும் இந்த படத்தில் முக்கிய கேரக்டரில் ஸ்ருதிஹாசன் நடிக்கவுள்ளதாகவும் கூறப்படுகிறது.
சமீபத்தில் அமெரிக்காவில் ஹார்வர்டு பல்கலைகழகத்தில் உரை நிகழ்த்த சென்ற கமல்ஹாசன், அங்குள்ள தனது நண்பர்களிடம் கலந்து ஆலோசித்து ஆங்கில படம் ஒன்றை இயக்க முடிவு செய்துள்ளதாக கூறப்படுகிறது. இந்த படத்தில் முழுக்க முழுக்க ஹாலிவுட் கலைஞர்கள் நடிக்கவுள்ளதாகவும், இந்த படத்தின் நாயகியாக ஸ்ருதிஹாசன் நடிக்க வாய்ப்பு இருப்பதாகவும் கூறப்படுகிறது.
இந்த படத்தின் கதை விவாதம் நடைபெற்று வருவதாகவும், கமல்-ஸ்ருதி படம் முடிவடைந்ததும் இந்த படத்தின் ஆரம்பகட்ட பணிகள் தொடங்கும் என்றும் கூறப்படுகிறது.
