ரஜினி பாணி மொட்டை தலையுடன் நடிக்கும் கார்த்தி
சூப்பர் ஸ்டார் ரஜினிகாந்த், சிவாஜி படத்தில் எம்.ஜி.ஆர் என்ற கேரக்டரில் மொட்டை தலையுடன் நடித்த காட்சியை யாரும் எளிதில் மறந்துவிட முடியாது. இதே பாணி மொட்டைத்தலையுடன் நடிகர் கார்த்தி, காஷ்மோரா படத்தில் நடிக்கவுள்ளதாக கூறப்படுகிறது.
கோகுல் இயக்கி வரும் ‘காஷ்மோரா’ படத்தின் படப்பிடிப்பு நீண்ட இடைவெளிக்கு பின்னர் விரைவில் மீண்டும் தொடங்கவுள்ளது. இந்த படத்தில் கார்த்தி மூன்று வித்தியாசமான வேடத்தில் நடித்து வருவதாகவும், அவற்றில் ஒன்று மொட்டைத்தலையுடன் கார்த்தி ஆக்ஷன் ரோல் ஒன்றில் நடித்துள்ளதாகவும் கூறப்படுகிறது.
இந்த கேரக்டருக்காக கார்த்தி உண்மையிலேயே மொட்டை அடித்துள்ளதாகவும், சினிமா விழாக்களில் கலந்து கொள்ளும்போது மொட்டை தலையை மறைக்க தொப்பி அணிந்து வருவதாகவும் கூறப்படுகிறது.
கார்த்தி, நயன்தாரா, ஸ்ரீதிவ்யா, மனிஷ் யாதவ், விவேக், சித்தார்த் விபின் மற்றும் பலர் நடித்துள்ள இந்த படத்திற்கு சந்தோஷ் நாராயணன் இசையமைத்துள்ளார். எஸ்.ஆர்.பிரபு தயாரித்து வரும் இந்த படத்தின் படப்பிடிப்பிற்காக சென்னையில் உள்ள ஒரு தீம் பார்க்கில் பிரமாண்டமான செட் போடப்பட்டுள்ளது.
