தேர்தல் நெருங்கும் வேளையில் திடீரென அரசியலில் குதித்த நடிகை த்ரிஷா
ஒவ்வொரு முறையும் தேர்தல் நெருங்கும் நேரத்தில் பிரபல நடிகர் அல்லது நடிகைகள் அரசியலில் திடீரென குதிப்பது வழக்கம். இந்நிலையில் தேர்தல் இன்னும் ஒருசில நாட்களில் அறிவிக்கப்பட உள்ள நிலையில் த்ரிஷாவின் அரசியல் பிரவேசம் குறித்த போஸ்டர் ஒன்று திடீரென சமூக வலைத்தளங்களில் வெளியாகி பெரும் பரபரப்பை ஏற்படுத்தியுள்ளது.
இந்த போஸ்டர் த்ரிஷா நடித்து வரும் அடுத்த படமான’ கொடி’ படத்திற்காக என தற்போது தெரியவந்துள்ளது. எதிர்நீச்சல், காக்கிசட்டை ஆகிய படங்களை இயக்கிய துரைசெந்தில்குமார் இயக்கி வரும் அடுத்த படமான ‘கொடி’ படத்தில் தனுஷ் அரசியல்வாதியாக நடித்து வருகிறார். இந்நிலையில் இதே படத்தில் த்ரிஷாவும் அரசியல்வாதியாக நடித்து வருகிறார்/.
த்ரிஷா இந்த படத்தில் ருத்ரா என்ற அரசியல்வாதி கேரக்டரில் நடித்து வருவதாகவும், தனுஷும் த்ரிஷாவும் எதிர் எதிர் கட்சியில் இருந்து அரசியல் செய்து மோதிக்கொள்ளும் காட்சிகளும் இந்த படத்தில் இருப்பதாகவும் கூறப்படுகிறது. மேலும் இந்த படத்தின் இன்னொரு நாயகியாக பிரபல மலையாள நடிகை அனுபமா பரமேஸ்வரன் நடித்து வருகிறார். தனுஷ் தயாரித்து வரும் இந்த படத்திற்கு சந்தோஷ் நாராயணன் இசையமைத்து வருகிறார்.
Chennai Today News: Trisha enter politics
