தோழா’ டீசர் ரிலீஸ் தேதி மற்றும் நேரம்
லிங்குசாமி இயக்கிய ‘பையா’ படத்திற்கு பின்னர் மீண்டும் கார்த்தி-தமன்னா இணையும் ‘தோழா’ படத்தின் டீசர் வெளியாகும் தேதி குறித்த அதிகாரபூர்வ அறிவிப்பு தற்போது வெளிவந்துள்ளது. அதுமட்டுமின்றி இந்த படத்தின் இசை வெளியீட்டு தேதி மற்றும் ரிலீஸ் தேதியையும் இந்த படத்தை தயாரித்து வரும் பிவிபி நிறுவனம் வெளியிட்டுள்ளது.
‘தோழா’ படத்தின் டீசர் பிப்ரவரி 20ஆம் தேதி மாலை 6 மணிக்கு இணையதளங்கள் மூலம் வெளியாகிறது. இதுகுறித்த விளம்பர போஸ்டர் ஒன்று தற்போது டுவிட்டரில் வெளியாகி இந்த தகவலை உறுதிப்படுத்தியுள்ளது என்பது குறிப்பிடத்தக்கது.
மேலும் இந்த படத்தின் இசை வெளியீட்டு விழா பிப்ரவரி 26ஆம் தேதி நடைபெறவுள்ளதாகவும், இந்த படம் வரும் மார்ச் மாதம் 25ஆம் தேதி வெளியாகவுள்ளதாகவும் கூறப்படுகிறது.
கார்த்தி, நாகார்ஜூனன், தமன்னா, பிரகாஷ்ராஜ், ஜெயசுதா மற்றும் பலர் நடித்துள்ள இந்த படத்தில் அனுஷ்கா மற்றும் ஸ்ரேயா ஆகியோர் சிறப்பு தோற்றத்தில் நடித்துள்ளனர். பிவிபி நிறுவனம் தயாரித்துள்ள இந்த படத்தை வம்சி இயக்கியுள்ளார்.கோபிசுந்தர் இந்த படத்திற்கு இசையமைத்துள்ளார் என்பது குறிப்பிடத்தக்கது.
