ஹாலிவுட் ஸ்டண்ட் மாஸ்டர் இயக்கத்தில் ரஜினிகாந்த்
சூப்பர் ஸ்டார் ரஜினிகாந்த் நடிப்பில் ஷங்கர் இயக்கி வரும் ‘2.0’ படத்தின் இரண்டாவது கட்ட படப்பிடிப்பு விரைவில் ஆரம்பமாகவுள்ள நிலையில் இந்த படத்தின் ஸ்டண்ட் காட்சி ஒன்றை ஹாலிவுட் ஸ்டண்ட் இயக்குனர் ஒருவர் இயக்கவுள்ளதாக தகவல்கள் வெளிவந்துள்ளது.
சென்னை அருகேயுள்ள ஈவிபி தீம்பார்கில் ரூ.20 கோடி மதிப்பில் பிரமாண்டமான செட் ஒன்று அமைக்கப்பட்டு உள்ளதாகவும் இந்த செட்டில் ரஜினியுடன் ஹாலிவுட் ஸ்டண்ட் கலைஞர்கள் மோது அதிரடி சண்டைக்காட்சி ஒன்றை பிரபல ஹாலிவுட் ஸ்டண்ட் இயக்குனர் Kenny Bates என்பவர் இயக்கவுள்ளதாகவும் கூறப்படுகிறது. இவர் ஏற்கனவே ஹாலிவுட்டில் சூப்பர் ஹிட் ஆன Die Hard மற்றும் Pearl Harbor போன்ற படங்களுக்கு ஸ்டண்ட் இயக்குனராக பணிபுரிந்துள்ளார் என்பது குறிப்பிடத்தக்கது.
நவீன டெக்னாலஜியுடன் கூடிய மல்டிகேமராக்கள் மூலம் இந்த சண்டைக்காட்சிகள் படமாக்கப்படவுள்ளதாகவும், இந்த சண்டைக்காட்சி படத்தின் ஹைலைட்டாக பேசப்படும் என்றும் கூறப்படுகிறது.
