கருணாநிதிக்கு கிடைத்த வாக்களிக்கும் உரிமை
திமுக தலைவர் மு.கருணாநிதி தற்போது தமிழக தேர்தல் ஏற்பாடுகள், தேர்தல் அறிக்கை தயாரித்தல், கூட்டணி அமைத்தல், ஆகியவற்றில் இந்த வயதிலும் பிசியாக இருக்கின்றார். இந்நிலையில் அவருக்கு நடிகர் சங்கத்தில் வாக்களிக்கும் உரிமை தற்போது கிடைத்துள்ளது.
தி.மு.க. தலைவர் கருணாநிதியை வாக்களிக்கும் உரிமை கொண்ட ஆயுள் கால உறுப்பினராக மீண்டும் நடிகர் சங்கத்தில் சேர்க்க தீர்மானம் நிறைவேற்றப்பட்டுள்ளது.
தி.மு.க. தலைவர் கருணாநிதி கடந்த 1989ஆம் ஆண்டு முதல் தென்னிந்திய நடிகர் சங்கத்தில் ஆயுள்கால உறுப்பினராக இருந்து வந்தபோதிலும் சமீபத்தில் திருத்தப்பட்ட வாக்காளர் பட்டியலில் அவருடைய பெயர் இடம் பெறவில்லை. எனவே அவர் சமீபத்தில் நடைபெற்ற நடிகர் சங்க தேர்தலில் வாக்களிக்கவில்லை.
இந்நிலையில் நேற்று முன்தினம் நடந்த நடிகர் சங்க செயற்குழு கூட்டம் கூடியபோது இது குறித்து விவாதிக்கப்பட்டதாகவும், கருணாநிதியை வாக்களிக்கும் உரிமை கொண்ட ஆயுள்கால உறுப்பினராக சேர்க்க தீர்மானம் நிறைவேற்றப்பட்டுள்ளதாகவும் நடிகர் சங்கம் அறிவித்துள்ளது. அடுத்து வரும் நடிகர் சங்க தேர்தலில் அவர் வாக்களிப்பார் என எதிர்பார்க்கப்படுகிறது.
