பரமபதம்’ விளையாட தயாராகிய கமல்ஹாசன்
உலக நாயகன் கமல்ஹாசன் நடித்த ‘தூங்காவனம்’ படத்தை அடுத்து அவர் மகள் ஸ்ருதிஹாசனுடன் ஒரு அதிரடி ஆக்சன் படத்தில் நடிக்கவுள்ளதாக செய்திகள் வெளிவந்த நிலையில் தற்போது திடீர் மாற்றமாக கமல்ஹாசன், மெளலி திரைக்கதையில் உருவாகவுள்ள படத்தில் இணையவுள்ளதாகவும், இந்த படத்தை தூங்காவனம்’ இயக்குனர் ராஜேஷ் எம்.செல்வா இயக்கவுள்ளதாகவும் செய்திகள் வெளிவந்துள்ளது.
‘பரமபதம்’ என்ற டைட்டில் வைக்கப்பட்டுள்ள இந்த படத்தின் படப்பிடிப்பு வரும் ஜூலை முதல் தொடங்கவுள்ளதாகவும் மைக்கேல் மதனகாமராஜன், சதீலீலாவது போல இதுவொரு முழுக்க முழுக்க நகைச்சுவை விருந்தாக இருக்கும் என்றும் கூறப்படுகிறது.
இந்த படத்தை முடித்துவிட்டு ஸ்ருதிஹாசனுடன் இணையும் படத்தில் கமல் நடிப்பாரா? அல்லது இந்த படத்திற்கு முன்பே ஒரு படத்தில் நடித்து முடித்துவிடுவாரா? என்பது குறித்த தெளிவான தகவல் எதுவும் வெளிவரவில்லை.
