ஜீவா-ஹன்சிகாவின் ‘போக்கிரி ராஜா’ சென்சார் தகவல்கள்
கடந்த 2014ஆம் ஆண்டு ஜீவா நடித்த ‘யான்’ திரைப்படம் படுதோல்வி ஆன பின்னர் அவர் நடித்த எந்த படமும் இதுவரை வெளியாகவில்லை. ஆனால் இந்த வருடம் குறைந்தது மூன்று ஜீவா படங்கள் ரிலீஸ் ஆகும் என கூறப்படுகிறது.
ஹன்சிகாவுடன் ஜீவா நடித்த போக்கிரிராஜா, நயன்தாராவுடன் ஜீவா நடித்த திருநாள் மற்றும் காஜல் அகர்வாலுடன் ஜீவா நடித்து வரும் கவலை வேண்டாம் ஆகிய மூன்று திரைப்படங்களும் இவ்வருடத்திற்குள் வெளியாகும் என எதிர்பார்க்கப்படுகிறது.
முதல்கட்டமாக வரும் மார்ச் மாதம் 4ஆம் தேதி ஜீவாவின் ‘போக்கிரி ராஜா’ வெளியாகவுள்ளது. இந்நிலையில் இந்த படம் நேற்று சென்சார் செய்யப்பட்டது. சென்சார் அதிகாரிகள் இந்த படத்தை பார்த்து படத்திற்கு ‘யூ’ சர்டிபிகேட் கொடுத்துள்ளனர் என்பது குறிப்பிடத்தக்கது.
ஜீவாவின் 25வது படமான இந்த படத்தில் அவருக்கு ஜோடியாக ஹன்சிகா முதல்முறையாக நடித்துள்ளார். மேலும் முக்கிய வேடம் ஒன்றில் சிபிராஜ் நடித்துள்ள இந்த படத்தை ராம்பிரகாஷ் ராயப்பா இயக்கியுள்ளார். டி.இமான் இந்த படத்திற்கு இசையமைத்துள்ளார்.
