தலக்கணம் இல்லாத தல. தேவா புகழாரம்
தல என்றாலே தலக்கணம் இல்லாதவர் என்று அஜித்தை பிடிக்காதவர்கள் கூட ஏற்றுக்கொண்டிருக்கின்றனர் என்பது அனைவரும் அறிந்ததே. அஜித்தின் நடிப்பை ரசிக்காதவர்கள் கூட அவருடைய நல்ல பண்புகளை பாராட்ட தயங்குவதில்லை. இந்நிலையில் பிரபல இசையமைப்பாளர் தேவா, தான் வெளிநாடுகளில் இசை நிகழ்ச்சிக்காக சுற்றுப்பயணம் செய்தபோது தனக்கு நேர்ந்த அனுபவங்கள் குறித்து பிரபல தொலைக்காட்சி ஒன்றுக்கு பேட்டியளித்துள்ளார்.
தல அஜித் குறித்து தேவா கூறியதாவது: தல என்றாலே தலக்கனம் இல்லாதவர் என்பதுதான் அனைவருக்கும் ஞாபகம் வரும். நான் வெளிநாடுகளுக்கு பல இசை நிகழ்ச்சிகளுக்கு சென்றிருந்த போது பல சீட்டுக்களில் அஜித் பாடல் பாடும்படி வேண்டுகோள் சீட்டுக்கள் குவிந்து வருவதை பார்த்திருக்கின்றேன். அந்த அளவுக்கு உலகம் முழுவதும் தல அஜித்துக்கு வெறித்தனமான ரசிகர்கள் உள்ளனர். தனது ரசிகர்கள் அனைவருக்கும் அவர் அன்பை மட்டுமே பரிசாக கொடுத்து வருபவர்தான் தல அஜித்’ என்று கூறியுள்ளார்.
அஜித்தின் படம் இப்போதைக்கு வர வாய்ப்பில்லை என்றாலும் அவரை பற்றிய செய்திகளும், அவரை பற்றி மற்றவர்கள் கூறிய கருத்துக்கள் தொடர்ந்து வெளிவந்து கொண்டிருக்கின்றது என்பது குறிப்பிடத்தக்கது.
