ரஜினியின் 2.0′ படத்தில் ஒரே ஒரு பாடல்தானா? ஷங்கரின் அதிரடி முடிவுக்கு என்ன காரணம்?
சூப்பர் ஸ்டார் ரஜினிகாந்த் படம் என்றாலும் சரி, ஷங்கரின் படம் என்றாலும் சரி முதலில் அந்த படத்தின் பாடல்கள் ஹிட் ஆவது வழக்கமான ஒன்று. குறிப்பாக ஷங்கர் பாடல் காட்சிகளுக்கு பிரத்யேக முயற்சி எடுத்து வித்தியாசமான செட்டுக்களில் அல்லது வெளிநாட்டில் படமாக்கி கண்களை குளிர வைப்பார். ஆனால் ஷங்கரும் ரஜினியும் இணையும் ‘2.0’ படத்தில் ஒரே ஒரு பாடல்தான் இருக்கின்றதாம்
இந்த படத்தின் ஆக்ஷன் காட்சிகளுக்கு அதிக முக்கியத்துவம் கொடுக்க வேண்டியதிருப்பதால் இந்த படத்திற்கு பாடல்களே தேவையில்லை என்று முதலில் முடிவு எடுக்கப்பட்டதாகவும், ஆனால் ரஜினி படத்தில் அறிமுகப்பாடல் இல்லை என்றால் அவரது ரசிகர்கள் ஏமாற்றம் அடைவார்கள் என்பதை கருத்தில் கொண்டு ஒரே ஒரு பாடல் மட்டும் படத்தின் ஆரம்பத்தில் இருப்பதாகவும் கூறப்படுகிறது.
மேலும் இந்த படம் ஹாலிவுட்டிலும் ரிலீஸ் ஆகவுள்ளதால் பாடல்கள் இல்லாமல் பார்ப்பதையே ஹாலிவுட் ரசிகர்கள் விரும்புவார்கள் என்பதை கணக்கில் கொண்டும் இந்த படத்தில் பாடல்கள் தவிர்க்கப்பட்டதாக கூறப்படுகிறது.
ஒரே ஒரு பாடலுடன் ஷங்கர் முடித்து கொண்டாலும் அதற்கு பதிலாக பிரமாண்ட காட்சியமைப்பை ஷங்கர் நிச்சயம் ரஜினி ரசிகர்களுக்கு தருவார் என்பதை முழுமையாக நம்பலாம்.
Chennai Today News: Why Shankar choose only one song in ‘2.0?
