உதயநிதியின் அடுத்த படத்திற்கு இரண்டு இசையமைப்பாளர்கள்
உதயநிதி ஸ்டாலின் நடித்த ‘கெத்து’ படத்திற்கு வரிவிலக்கு கிடைக்குமா? கிடைக்காதா? என்ற வழக்கு நிலுவையில் உள்ள நிலையில் அவருடைய அடுத்த படமான ‘மனிதன்’ திரைப்படத்தின் படப்பிடிப்பு விறுவிறுப்பாக நடைபெற்று வருகிறது.
பாலிவுட்டில் சூப்பர் ஹிட் ஆன ‘ஜாலி எல்.எல்.பி படத்தின் ரீமேக் படமான இந்த படத்திற்கு சந்தோஷ் நாராயணன் இசையமைத்து வரும் நிலையில் இந்த படத்தில் ஒரு பாடலை அனிருத் பாடவுள்ளாராம். சந்தோஷ் சிவன் இசையமைப்பில் அனிருத் பாடும் முதல் பாடல் இதுதான் என்பது குறிப்பிடத்தக்கது. ஏற்கனவே ரெட் ஜெயண்ட் மூவீஸில் ‘வணக்கம் சென்னை’ படத்திற்கு இசையமைத்து பாடலையும் பாடியுள்ள அனிருத், தற்போது மீண்டும் ரெட் ஜெயண்ட் மூவீஸ் தயாரிக்கும் ‘மனிதன்’ படத்திற்காகவும் ஒரு பாடலை பாடுகிறார் என்பது குறிப்பிடத்தக்கது.
உதயநிதி, ஹன்சிகா, பிரகாஷ்ராஜ், விவேக், ராதாரவி மற்றும் பலர் நடித்து வரும் இந்த படத்தை என்றென்றும் புன்னகை’ அஹ்மத் இயக்கி வருகிறார். இந்த படம் வரும் ஜூன் அல்லது ஜூலையில் ரிலீஸ் ஆகும் என எதிர்பார்க்கப்படுகிறது. இந்த படத்திற்கு பின்னர் உதயநிதி, ஸ்ரீதேனாண்டாள் மூவீஸ் நிறுவனம் தயாரிக்கவுள்ள ஒரு படத்தில் நடிக்கவுள்ளார்.
