‘தெறி’ இசை வெளியீடு தேதி. அட்லியின் அதிகாரபூர்வ அறிவிப்பு
இளையதளபதி விஜய் நடித்து முடித்துள்ள ‘தெறி’ படத்தின் இசை வெளியீடு வரும் 20ஆம் தேதி வெளிவரும் என படக்குழுவினர் தெரிவித்து வந்தபோதிலும் தற்போதுதான் இயக்குனர் அட்லி தனது டுவிட்டரில் அதிகாரபூர்வமாக அந்த தேதியை இசை வெளியீட்டு தேதியை அறிவித்துள்ளார்.
அட்லி தனது டுவிட்டரில் விஜய் மற்றும் மீனா மகள் நைனிகா உள்ள போஸ்டருடன் இந்த இசை வெளியீட்டு தேதியை உறுதி செய்துள்ளார். ஏற்கனவே இந்த படத்தின் டீசர் வெளியாகி மாபெரும் சூப்பர் ஹிட் ஆகியதை தொடர்ந்து இந்த படத்தின் பாடல்களுக்கு மிகப்பெரும் எதிர்பார்ப்பு ஏற்பட்டுள்ளது.
மேலும் இந்த படம் இசையமைப்பாளர் ஜி.வி.பிரகாஷூக்கு 50வது படம் என்பதால் தெறிக்க வைக்கும் அளவுக்கு பாடல்களை அவர் கம்போஸ் செய்துள்ளதாக தகவல்கள் வெளிவந்துள்ளது.
விஜய், சமந்தா, எமிஜாக்சன், பிரபு, ராதிகா சரத்குமார், இயக்குனர் மகேந்திரன், மொட்டை ராஜேந்திரன், மற்றும் விஜய் மகள் திவ்யா உள்பட பலர் நடித்துள்ள இந்த படத்தை கலைப்புலி எஸ்.தாணு பிரமாண்டமாக தயாரித்து வருகிறார். இந்த படம் வரும் ஏப்ரல் மாதம் 14ஆம் தேதி வெளிவரும் என எதிர்பார்க்கப்படுகிறது.
