உலக்கோப்பை டி-20 போட்டி: சூப்பர் 10 போட்டிக்கு தகுதி பெற்றது ஆப்கானிஸ்தான்
உலக்கோப்பை டி-20 போட்டிகள் இந்தியாவில் விறுவிறுப்பாக நடந்து வரும் நிலையில் நேற்றைய இரண்டு போட்டிகளில் ஆப்கானிஸ்தான் மற்றும் ஸ்காட்லாந்து அணிகள் வெற்றி பெற்றுள்ளது. நேற்றைய வெற்றியின் மூலம் ஆப்கானிஸ்தான் சூப்பர் 10 போட்டியில் விளையாட தகுதி பெற்றுள்ளது.
நேற்று ஜிம்பாவே அணியுடன் மோதிய ஆப்கானிஸ்தான் முதலில் பேட்டிங் செய்து 20 ஓவர்களில் 6 விக்கெட் இழப்பிற்கு 186 ரன்கள் குவித்தது. 187 ரன்கள் எடுத்தால் வெற்றி என்ற நிலையில் களமிறங்கிய ஜிம்பாவே அணி 19.4 ஓவர்களில் 127 ரன்களுக்கு ஆட்டமிழந்து 59 ரன்கள் வித்தியாசத்தில் தோல்வி அடைந்தது.
இதேபோல் மற்றொரு ஆட்டத்தில் ஸ்காட்லாந்தை எதிர்கொண்ட ஹாங்காங் முதலில் பேட்டிங் செய்து 20 ஓவர்களில் 127 ரன்கள் எடுத்தது. ஆனால் ஆட்டத்தின் இரண்டாவது பாதியில் மழை குறுக்கிட்டதால் டக்வொர்த்-லீவீஸ் முறையின்படி ஸ்காட்லாந்து அணி 8 ஓவர்களில் 2 விக்கெட் இழப்பிற்கு 78 ரன்கள் எடுத்து வெற்றி பெற்றது.
