ஜெயம் ராஜாவின் அடுத்த படத்திலும் ஹிப் ஹாப் தமிழா ஆதி.
ஜெயம் ரவி, நயன்தாரா, அரவிந்தசாமி நடித்த ‘தனி ஒருவன்’ திரைப்படம் கடந்த ஆண்டு வெளியாகி சூப்பர் ஹிட் ஆனதை அடுத்து அந்த படத்தின் இயக்குனர் ஜெயம் ராஜா முன்னணி இயக்குனர்களில் ஒருவராக மாறிவிட்டார். இந்நிலையில் அவர் தற்போது சிவகார்த்திகேயன் நடிக்கவுள்ள ஒரு படத்தை அடுத்து இயக்கவுள்ளார். இந்த படத்தின் ஆரம்பகட்ட பணிகள் கடந்த சில நாட்களாக நடைபெற்றது மட்டுமின்றி கடந்த வெள்ளியன்று இந்த படத்திற்கு சென்னையில் பூஜையும் போடப்பட்டது.
இந்நிலையில் இந்த படத்தின் இசையமைப்பாளராக ஹிப் ஹாப் தமிழா ஆதி ஒப்பந்தமாகியுள்ளார். இவர் ‘தனி ஒருவன்’ படத்தில் சிறப்பாக இசையமைத்ததால் மீண்டும் அவருக்கு வாய்ப்பு கிடைத்துள்ளதாக கூறப்படுகிறது. இதுவரை சிவகார்த்திகேயன் படங்களுக்கு அனிருத் மற்றும் இமான் மட்டுமே இசையமைத்து வந்த நிலையில் தற்போது புதிதாக ஆதி இணைந்துள்ளார் என்பது குறிப்பிடத்தக்கது. இந்த படத்தின் படப்பிடிப்பு வரும் ஆகஸ்ட்டில் தொடங்கவுள்ளது.
மேலும் இந்த படத்தில் நடிக்கும் நடிகர், நடிகைகள் டெக்னீஷியன்களை தேர்வு செய்யும் பணியில் ஜெயம் ராஜா தீவிரமாக ஈடுபட்டுள்ளதாகவும், விரைவில் இந்த படத்தின் அனைத்து நடிகர் நடிகைகள் மற்றும் டெக்னீஷியன் குறித்த அதிகாரபூர்வ அறிவிப்பு வெளிவரும் என்றும் கூறப்படுகிறது.
