தனுஷுக்கு ஜோடியாகிறார் நடிகை மேஹா ஆகாஷ்
தனுஷ் நடித்து வந்த ‘கொடி’ படத்தின் படப்பிடிப்பு சமீபத்தில் முடிவடைந்தது என்பதை ஏற்கனவே பார்த்தோம். இந்த படத்தில் தனுஷ் அரசியல்வாதி மற்றும் ரெளடி என இரண்டு வித்தியாசமான கேரக்டர்களில் நடித்து வருகிறார். த்ரிஷா மற்றும் அனுபமா பரமேஸ்வரன் ஆகியோர் தனுஷூக்கு ஜோடியாக நடித்துள்ளனர். துரை செந்தில்குமார் இயக்கத்தில் உருவாகியுள்ள இந்த படத்தின் போஸ்ட் புரடொக்ஷன்ஸ் பணிகள் தற்போது தொடங்கியுள்ளது.
இந்நிலையில் தனுஷின் புதிய படமான ‘எனை நோக்கி பாயும் தோட்டா’ என்ற படத்தின் படப்பிடிப்பு இன்று முதல் பூஜையுடன் தொடங்கியுள்ளது. கவுதம் மேனன் இயக்கும் இந்த படத்திற்கு ஹாரீஸ் ஜெயராஜ் இசையமைக்கின்றார். இந்த படத்தில் தனுஷூக்கு ஜோடியாக நடிக்க மேஹா ஆகாஷ் ஒப்பந்தமாகியுள்ளார். இவர் ஏற்கனவே இயக்குனர் பாலாஜி தரணிதரனின் ‘ஒரு பக்க கதை’ படத்தில் காளிதாஸ் ஜெயராமுக்கு ஜோடியாக நடித்தவர் என்பது குறிப்பிடத்தக்கது.
‘எனை நோக்கி பாயும் தோட்டா’ திரைப்படம் விறுவிறுப்பான ஆக்ஷன் படம் என்றும் இதுவரை இல்லாத வகையில் தனுஷை வித்தியாசமான கோணத்தில் கவுதம் மேனன் காண்பிக்கவுள்ளதாக எதிர்பார்க்கப்படுகிறது.
