உலகக்கோப்பை டி-20 கிரிக்கெட் போட்டி: நெதர்லாந்து, வங்கதேசம் வெற்றி
உலகக்கோப்பை டி-20 கிரிக்கெட் போட்டியில் நேற்று நடைபெற்ற இரண்டு போட்டிகளில் நெதர்லாந்து மற்றும் வங்கதேச அணிகள் வெற்றி பெற்றுள்ளன.
நேற்று நடைபெற்ற முதல் ஆட்டத்தில் முதலில் பேட்டிங் செய்த நெதர்லாந்து அணி 6 ஓவர்களில் 5 விக்கெட் இழப்பிற்கு 59 ரன்கள் எடுத்தபோது மழை குறுக்கிட்டது. இதனால் 6 ஓவர்களில் 60 ரன்கள் என்ற இலக்கை நோக்கி விளையாடிய அயர்லாந்து 7 விக்கெட் இழப்பிற்கு 47 ரன்கள் மட்டுமே எடுத்து தோல்வி அடைந்தது.
நேற்று நடைபெற்ற இரண்டாவது போட்டியில் முதலில் பேட்டிங் செய்த வங்கதேச அணி 20 ஓவர்களில் 2 விக்கெட் இழப்பிற்கு 180 ரன்கள் எடுத்தது. இதனால் 181 ரன்கள் எடுத்தால் வெற்றி என்ற நிலையில் மழை குறுக்கிட்டதால் 12 ஓவர்களில் 120 ரன்கள் எடுக்க வேண்டும் என்ற இலக்கு நிர்ணயம் செய்யப்பட்டது. ஆனால் ஓமன் அணி 12 ஓவர்களில் 65 ரன்கள் மட்டுமே எடுத்து தோல்வி அடைந்தது.
இந்நிலையில் நாளை முதல் சூப்பர் 10 போட்டிகள் ஆரம்பமாகவுள்ளது. முதல் போட்டியில் இந்தியா மற்றும் நியூசிலாந்து அணிகள் மோதுகின்றன.
