உலகக்கோப்பை டி-20 கிரிக்கெட் போட்டி: ஆப்கானிஸ்தானை வீழ்த்தியது இலங்கை
உலகக்கோப்பை டி-20 கிரிக்கெட் போட்டியின் நேற்றைய ஆட்டத்தில் ஆப்கானிஸ்தான் அணியை இலங்கை அணி 6 விக்கெட் வித்தியாசத்தில் வீழ்த்தியது.
கொல்கத்தா ஈடன் கார்டன் மைதானத்தில் நடைபெற்ற நேற்றைய ஆட்டத்தில் டாஸ் வென்ற ஆப்கானிஸ்தான் அணி முதலில் பேட்டிங் செய்தது. 20 ஓவர்களில் 7 விக்கெட்டுக்களை இழந்து ஆப்கானிஸ்தான் 153 ரன்கள் எடுத்தது. அஸ்கார் ஸ்டானிக்சாய் 62 ரன்கள் எடுத்தார்.
154 ரன்கள் எடுத்தால் வெற்றி என்ற இலக்குடன் களமிறங்கிய இலங்கை அணி 18.5 ஓவர்களில் 4 விக்கெட்டுக்களை இழந்து 155 ரன்கள் எடுத்து வெற்றி பெற்றது. தில்ஷான் அதிரடியாக விளையாடி 83 ரன்கள் எடுத்து ஆட்டநாயகன் விருதை பெற்றார்.
உலகக்கோப்பை டி-20 கிரிக்கெட் போட்டியில் இன்று இரண்டு ஆட்டங்கள் நடைபெறவுள்ளது. முதல் ஆட்டத்தில் இங்கிலாந்து மற்றும் தென்னாபிரிக்க அணிகளும், இரண்டாவது ஆட்டத்தில் ஆஸ்திரேலியா மற்றும் நியூசிலாந்து அணிகளும் மோதுகின்றன.
