பாஜக எம்.எல்.ஏவால் தாக்கப்பட்ட குதிரையின் கால் அகற்றம்.
உத்தராகண்ட் மாநிலத்தில் சமீபத்தில் நடந்த ஆர்ப்பாட்டம் ஒன்றில் பாஜக எம்.எல்.ஏ சக்திமான் என்ற குதிரையின் காலை உருட்டுக்கட்டையால் அடித்து உடைத்த விவகாரம் நாடு முழுவதும் பெரும் பரபரப்பை ஏற்படுத்திய நிலையில் தற்போது அந்த குதிரைக்கு அடிபட்ட கால் அகற்றப்பட்டதாக கால்நடை மருத்துவர்கள் தெரிவித்துள்ளனர்
குதிரையின் உயிரை காக்கவே கால் அகற்றப்பட்டதாகவும், காலை அகற்றாவிட்டால் கிருமி தொற்று காரணமாக குதிரையின் உயிருக்கே ஆபத்து ஏற்படும் என்பதால் கால் அகற்றப்பட்டதாகவும் மருத்துவர்கள் கூறியுள்ளனர். இதற்கான அறுவை சிகிச்சை நேற்று நடைபெற்றதாகவும் அறுவை சிகிச்சைக்கு பின்னர் சக்திமான் குதிரை உணவை மருத்துவருவதாக மருத்துவர்கள் தெரிவித்துள்ளனர்.
பாஜக எம்எல்ஏ கணேஷ் ஜோஷியின் தாக்குதல் காரணமாகத்தான் சக்திமான் குதிரையின் காலுக்கு இந்த கதி ஏற்பட்டுள்ளதால் அவருக்கு எதிராக உத்தரகாண்ட் மாநிலத்தில் இருந்து மட்டுமின்றி நாடு முழுவதும் கடும் கண்டனம் எழுந்துள்ளது.
நாடு முழுவதும் எதிர்ப்பு வலுத்ததை அடுத்து இன்று ஜோஷி எம்.எல்.ஏ கைது செய்யப்பட்டு அவர் மீது போலீசார் வழக்குப்பதிவு செய்துள்ளனர். இதனால் எம்.எல்.ஏவின் ஆதரவாளர்கள் தற்போது போராட்டம் நடத்தி வருகின்றனர். இருதரப்பினர்களும் போராட்டங்கள் நடத்தி வருவதால் உத்தரகாண்ட் மாநிலத்தில் பெரும் பரபரப்பு ஏற்பட்டுள்ளது.,
