உலகக்கோப்பை டி-20 கிரிக்கெட் போட்டி. தென்னாப்பிரிக்காவை வீழ்த்தியது இங்கிலாந்து
உலகக்கோப்பை டி-20 கிரிக்கெட் போட்டியில் நேற்று நடந்த முதல் போட்டியில் நியூசிலாந்து அணி அபார வெற்றி பெற்ற நிலையில் நேற்று நடந்த இரண்டாவது விறுவிறுப்பாக போட்டியில் தென்னாப்பிரிக்கா அணியை இங்கிலாந்து அணி அபாரமாக விளையாடி வீழ்த்தியது.
இந்த போட்டியில் டாஸ் வென்ற இங்கிலாந்து அணி முதலில் பீல்டிங் செய்தது. இதனால் முதலில் களத்தில் இறங்கிய தென்னாப்பிரிக்கா தனது அதிரடி ஆட்டத்தின் மூலம் 4 விக்கெட் இழப்பிற்கு 229 ரன்கள் குவித்தது. தொடக்க ஆட்டக்காரர்களான ஆம்லா 58 ரன்களும், டீ காக் 52 ரன்களும் குவித்தனர்.
229 ரன்கள் எடுத்தால் வெற்றி என்ற கடின இலக்கை விரட்டிய இங்கிலாந்து அணி ஆரம்பம் முதலே அதிரடியாக விளையாடி 19.4 ஓவர்களில் 230 ரன்கள் எடுத்து வெற்றி பெற்றனர். இங்கிலாந்து பேட்ஸ்மேன் ரூட் 44 பந்துகளில் 83 ரன்கள் எடுத்து வெற்றிக்கு உதவியாக இருந்ததுடன் ஆட்டநாயகன் விருதையும் தட்டி சென்றார்.
இந்நிலையில் இன்று அனைவரும் எதிர்பார்க்கும் இந்தியா-பாகிஸ்தான் அணிகள் மோதவுள்ளது.
