‘தெறி’க்க வைக்கும் சாதனை செய்த ‘தெறி’ டிரைலர்
இளையதளபதி விஜய் நடித்த ‘தெறி’ படத்தின் பாடல்கள் கடந்த 20ஆம் தேதி பிரமாண்டமாக ரிலீஸ் ஆனது. அதே நாளில் இந்த படத்தின் அட்டகாசமான இரண்டு நிமிட டிரைலரும் வெளியானது. இந்நிலையில் இந்த டிரைலர் வெளியாகி 24 மணி நேரத்தில் யூடியூப் இணையதளத்தில் 2 மில்லியன் பார்வையாளர்களுக்கும் அதிகமாக பெற்றுள்ளது. இது விஜய் படத்தின் புதிய சாதனை ஆகும்.
மேலும் ‘தெறி’ டிரைலருக்கு கிட்டத்தட்ட இரண்டு லட்சம் லைக்ஸ்களை நெருங்கிவிட்டது. இன்னும் படம் வெளிவருவதற்குள் லைக்ஸ்களின் எண்ணிக்கை மிக அதிகமாகும் என எதிர்பார்க்கபப்டுகிறது. ஏற்கனவே இந்த படத்தின் டீசர் அகில இந்திய அளவில் சாதனை செய்த நிலையில் அந்த சாதனையை ‘தெறி’ டிரைலர் உடைக்குமா? என்பதை பொறுத்திருந்து பார்ப்போம்.
காதல், காமெடி, செண்டிமெண்ட் என அனைத்து அம்சங்களும் ஒருங்கே அமைந்துள்ள இந்த படத்தில் விஜய், சமந்தா, எமிஜாக்சன், இயக்குனர் மகேந்திரன், மொட்டை ராஜேந்திரன், ராதிகா உள்பட பலர் நடித்துள்ளனர். அட்லி இயக்கியுள்ள இந்த படத்திற்கு ஜி.வி.பிரகாஷ் இசையமைத்துள்ளார். இந்த படத்தை கலைப்புலி எஸ்.தாணு தயாரித்துள்ளார்.
