தெலுங்கு படத்தின் வில்லனாகிறார் விஜய்-அஜித் இயக்குனர்
விஜய், ஜோதிகா நடித்த குஷி மற்றும் அஜித், சிம்ரன் நடித்த ‘வாலி’ உள்பட பல படங்களை இயக்கியவரும், நடிகருமான எஸ்.ஜே.சூர்யா, தற்போது பவன்கல்யாண் நடிப்பில் ‘குஷி 2’ படத்தை இயக்கவுள்ளதாக சமீபத்தில் செய்தி வெளியானது இந்நிலையில் மகேஷ்பாபு நடிக்கும் அடுத்த படத்தில் எஸ்.ஜே.சுர்யா வில்லனாக நடிக்கவுள்ளதாக செய்திகள் வெளிவந்துள்ளது.
மகேஷ்பாபு தற்போது ‘பிரம்மோத்சவம் என்ற படத்தில் நடித்து வருகிறார். இந்த படத்தை அடுத்து அவர் ஏ.ஆர்.முருகதாஸ் இயக்கவுள்ள படத்தில் நடிக்கவுள்ளார். இந்த படத்தில்தான் எஸ்.ஜே.சூர்யா வில்லனாக நடிக்கவுள்ளதாக கூறப்படுகிறது.
வரும் மே மாதம் முதல் இந்த படத்தின் படப்பிடிப்பு நடைபெறவுள்ளதாகவும், இந்த படத்தின் ஆரம்பகட்ட பணிகளை ஏ.ஆர்.முருகதாஸின் டீம் விறுவிறுப்பாக செய்து வருவதாகவும் கூறப்படுகிறது.
