சிவகார்த்திகேயனின் அடுத்த படத்தில் நயன்தாரா
ஒருகாலத்தில் சிவகார்த்திகேயனுக்கு ஜோடியாக நடிக்க இரண்டாம் நிலையில் உள்ள நடிகைகள் கூட தயங்கிய நிலையில் தற்போது முன்னணி நடிகைகளே அவருடன் அடிக்க போட்டி போடுகின்றனர்.
சிவகார்த்திகேயன் நடித்த ‘மான் கராத்தே’ படத்தில் அவருக்கு ஜோடியாக ஹன்சிகா நடித்த நிலையில் தற்போது அவருடைய அடுத்த படத்தில் நயன்தாரா நடிக்க ஒப்பந்தமாகியுள்ளார். சிவகார்த்திகேயன் – நயன்தாரா இணைந்து நடிப்பது இதுவே முதல்முறை என்பது குறிப்பிடத்தக்கது.
நயன்தாராவை பொறுத்தவரை தன்னுடைய சம்பளம் மற்றும் கேரக்டர் ஆகிய இரண்டை மட்டுமே பிரதானமாக பார்ப்பவர். கதை நன்றாக இருந்தால் ஆரி, விஜய்சேதுபதி போன்ற வளரும் ஹீரோக்களுடனும் நடித்து அவர் வெற்றி படத்தை கொடுத்துள்ளார். அந்த வரிசையில்தான் அவர் சிவகார்த்திகேயன் படத்திலும் நடிக்க ஒப்புக்கொண்டுள்ளதாக கூறப்படுகிறது.
சிவகார்த்திகேயன் தற்போது கீர்த்தி சுரேஷூடன் இணைந்து ‘ரெமோ’ என்ற படத்தில் நடித்து வருகிறார். இந்த படத்தை தயாரிக்கும் 24AM Studios’ நிறுவனம்தான் அவருடைய அடுத்த படத்தையும் தயாரிக்கவுள்ளது என்பது குறிப்பிடத்தக்கது.
