24 மணி நேரத்தில் 5 மில்லியன். கபாலியின் அசைக்க முடியாத சாதனை
‘அட்டக்கத்தி’ இயக்குனர் பா.ரஞ்சித் இயக்கத்தில் சூப்பர் ஸ்டார் ரஜினிகாந்த் நடிப்பில் உருவாகியுள்ள ‘கபாலி’ படத்தின் டீசர் நேற்று காலை 11 மணிக்கு வெளியானது. இந்த டீசர் வெளியாகி 24 மணி நேரமே ஆன நிலையில் இந்த டீசர் 5 மில்லியன் பார்வையாளர்களை பெற்று இந்தியா சினிமாவையே ஆச்சரியத்தில் ஆழ்த்தியுள்ளது.
இதுவரை இந்திய சினிமா என்றாலே இந்தி சினிமாதான் என வெளிநாடுகளில் எண்ணிக்கொண்டிருந்தனர். ஆனால் தற்போது இந்தி அல்லாத திரைப்படம் ஒன்று, இந்தி சினிமாவின் சாதனைகளை உடைத்தெறிந்துள்ளது. 24 மணி நேரத்தில் ஷாருக்கானின் தில்வாலே’ 3.6 மில்லியன் பார்வைகளையும், சல்மான்கானின் சுல்தான் 3.1 மில்லியன் பார்வையாளர்களையும், சல்மான்கானின் Prem Ratan Dhan Payo 3 மில்லியன் பார்வையாளர்களையும் பெற்றுள்ள நிலையில் சூப்பர் ஸ்டாரின் ‘கபாலி’ 5 மில்லியனை கடந்து வெற்றி நடைபோட்டு வருகிறது என்பது குறிப்பிடத்தக்கது.
இதுவரை தமிழ் திரைப்படங்களின் டீசர்கள் 24 மணி நேரத்தில் ஒரு மில்லியன் பார்வையாளர்களை பெற்றதையே பெரிய சாதனையாக எண்ணி வந்த நிலையில் ரஜினிகாந்த் தான் இன்னும் யாராலும் அசைக்க முடியாத சூப்பர் ஸ்டார்தான் என்பதை உறுதி செய்துள்ளார். வெறும் டீசருக்கே இவ்வளவு பெரிய வரவேற்பு கிடைத்துள்ள நிலையில் படம் ரிலீஸ் ஆனதும் என்னென்ன சாதனைகளை உடைக்க போகிறது என்பதை பொறுத்திருந்து பார்ப்போம்,.
