ஒரே பிரசவத்தில் 5 அழகான குழந்தைகள். ஆஸ்திரேலிய தம்பதிகள் மகிழ்ச்சி
ஆஸ்திரேலியாவை சேர்ந்த ஒரு தம்பதிக்கு ஒரே பிரசவத்தில் ஐந்து குழந்தைகள் பிறந்துள்ளன. ஐந்து குழந்தைகளும் நல்ல ஆரோக்கியத்துடன் உள்ளதாக கூறப்படுகிறது.
ஆஸ்திரேலியா நாட்டின் பெர்த் பகுதியில் வாழ்ந்து வரும் Kim and Vaughn Tucci தம்பதிகளுக்கு கடந்த ஜனவரி மாதம் ஒரே பிரசவத்தில் ஐந்து அழகான குழந்தைகள் பிறந்துள்ளது. இந்த தம்பதிகளுக்கு ஏற்கனவே இரண்டு குழந்தைகள் உள்ளனர் என்பது குறிப்பிடத்தக்கது.
கடந்த ஜனவரி மாதமே இந்த குழந்தைகள் பிறந்திருந்தாலும் நான்கு மாதங்கள் மருத்துவமனையில் மருத்துவர்களின் கண்காணிப்பில் வைக்கப்பட்டு தற்போதுதான் இந்த குழந்தைகள் வீட்டுக்கு வந்துள்ளன. இந்த குழந்தைகளின் அழகழகான புகைப்படங்கள் தற்போது இணையதளங்களில் வைரலாக பரவி வருகிறது.
ஐந்து குழந்தைகளில் ஒரு ஆண் குழந்தையும் நான்கு பெண் குழந்தைகளும் உள்ளன. ஆண் குழந்தைக்கு Keith என்ற பெயரும் நான்கு பெண் குழந்தைகளுக்கு முறையே Ali, Penelope, Tiffany, Beatrix என்ற பெயர்களும் வைக்கப்பட்டுள்ளது. இந்த ஐந்து குழந்தைகளின் புகைப்படங்களை கண்டுகளியுங்கள்
