பிளஸ் 2 பள்ளி மாணவர்களுக்கு நாளை முதல் தாற்காலிக மதிப்பெண் சான்றிதழ்
பிளஸ் 2 பள்ளி மாணவர்கள், தனித்தேர்வர்கள் ஆகியோர்கள் நேற்று தங்கள் தேர்வு முடிவுகளை தெரிந்து கொண்ட நிலையில் அவர்கள் தங்களுக்கான தாற்காலிக மதிப்பெண் சான்றிதழை நாளை முதல் அதாவது மே 19ஆம் தேதி வியாழக்கிழமை முதல் பதிவிறக்கம் செய்து கொள்ளலாம் என தேர்வுத்துறை அறிவித்துள்ளது.
மாணவர்கள், தனித்தேர்வர்கள் மே 19-ஆம் தேதி முதல் தங்களுக்கான தற்காலிக மதிப்பெண் சான்றிதழை தங்களது பிறந்த தேதி, பதிவெண் ஆகிய விவரங்களை www.dge.tn.nic.in என்ற இணையதளத்தில் அளித்து தாங்களே பதிவிறக்கம் செய்துகொள்ளலாம்.
மேலும் மே 21-ஆம் தேதி முதல் தேர்வர்கள் தாங்கள் படித்த, தேர்வெழுதிய பள்ளி, மையத்தின் தலைமை ஆசிரியர் மூலமாகவும் தங்களது தற்காலிக மதிப்பெண் சான்றிதழை பெற்றுக் கொள்ளலாம்.
