‘ரெமோ’ டைட்டில் சாங் ரிலீஸ் தேதி இதுதான்…
சிவகார்த்திகேயன், கீர்த்தி சுரேஷ் நடிப்பில் பாக்யராஜ் கண்ணன் இயக்கி வரும் ‘ரெமோ’ படத்தின் இறுதிக்கட்ட படப்பிடிப்பு நேற்று முதல் தொடங்கியுள்ளதாக வந்த செய்தியினை ஏற்கனவே பார்த்தோம். இந்நிலையில் இந்த படத்தின் ஃபர்ஸ்ட்லுக் வரும் ஜூன் மாதம் 9ஆம் தேதி வெளிவரவுள்ளது என்பது அனைவரும் அறிந்ததே.
இந்நிலையில் இந்த படத்தின் டைட்டில் பாடலும் அதே தினத்தில் வெளியிட திட்டமிட்டுள்ளதாக இந்த படத்தின் இசையமைப்பாளர் அனிருத் தனது டுவிட்டரில் பதிவு செய்துள்ளார். அவர் தனது டுவிட்டரில், “#RemoTitleSong releases along with #RemoFirstLook on June 9 என்று பதிவு செய்துள்ளார். இந்த செய்தி சிவகார்த்திகேயன் ரசிகர்களுக்கு இரட்டை விருந்தாக அமைந்துள்ளது.
சிவகார்த்திகேயன், கீர்த்திசுரேஷ், சதீஷ், கே.எஸ்.ரவிகுமார் உள்பட பலர் நடித்து வரும் இந்த படத்தை 24 ஏஎம் ஸ்டுடியோஸ் ஆர்.டி.ராஜா தயாரித்து வருகிறார். பி.சி.ஸ்ரீராம் ஒளிப்பதிவும், ரூபன் படத்தொகுப்பும் செய்து வரும் இந்த படத்தில் சிவகார்த்திகேயன் மூன்று வித்தியாசமான வேடங்களில் நடித்துள்ளார் என்பது குறிப்பிடத்தக்கது.
