ரஜினி, விஜய் படங்களுக்கும் சித்தார்த் படத்திற்கும் உள்ள ஒற்றுமை
சூப்பர் ஸ்டார் ரஜினிகாந்த் நடித்த ‘கபாலி’ மற்றும் இளையதளபதி விஜய் நடித்து வரும் ‘விஜய் 60’ ஆகிய படங்கள் உள்பட பல திரைப்படங்களுக்கு இசையமைத்து வரும் சந்தோஷ் நாராயணன் தற்போது சித்தார்த் நடிக்கவுள்ள அடுத்த படமான ‘சைத்தான் கி பச்சா’ என்ற படத்திற்கும் இசையமைக்க ஒப்பந்தமாகியுள்ளார்.
ஏற்கனவே சித்தார்த் நடித்த ‘ஜிகர்தண்டா’ மற்றும் ‘எனக்குள் ஒருவன்’ ஆகிய படங்களுக்கு இசையமைத்த சந்தோஷ் நாராயணன் தற்போது சித்தார்த் நடிக்கும் 3வது படத்திற்கு இசையமைக்கவுள்ளார் என்பது குறிப்பிடத்தக்கது.
‘கப்பல்’ இயக்குனர் கார்த்தி கிரிஷ் இயக்கவுள்ள இந்த படத்திற்கு அரவிந்த் சிங் ஒளிப்பதிவும், அந்தோணி படத்தொகுப்பும் செய்யவுள்ளனர். இந்த படத்தின் அதிகாரபூர்வ அறிவிப்பு இன்னும் இன்னும் ஒருசில நாட்களில் வெளிவரவுள்ளது.
