ஒரே நாளில் ரிலீஸ் ஆகும் தனுஷ்-சந்தானம் படங்கள்
தனுஷ் தயாரித்துள்ள ‘அம்மா கணக்கு’ படத்தின் டிரைலர் சமீபத்தில் ரிலீஸ் ஆகி பெரும் வரவேற்பை பெற்ற நிலையில் இந்த படம் ஜூன் 24 ஆம் தேதி ரிலீஸ் ஆகவுள்ளதாக அறிவிக்கப்பட்டுள்ளது. இந்த செய்தியை உறுதிப்படுத்தும் வகையில் ரிலீஸ் தேதியுடன் கூடிய போஸ்டர் ஒன்றும் இன்று காலை முதல் ஃபேஸ்புக், டுவிட்டரில் பதிவு செய்யப்பட்டுள்ளது.
இந்நிலையில் இதே ஜூன் 24ஆம் தேதியில் சந்தானம் நடித்த ‘தில்லுக்கு துட்டு’ படமும் ரிலீஸ் ஆகும் என தெரிகிறது. இந்த படத்தின் போஸ்ட் புரடொக்ஷன்ஸ் பணிகள் முற்றிலும் முடிந்துவிட்டதாகவும் அடுத்த வாரம் இந்த படம் சென்சாருக்கு செல்லும் என்றும் அதன் பின்னர் அதிகாரபூர்வமாக ரிலீஸ் தேதி அறிவிக்கப்படும் என்றும் கூறப்படுகிறது.
தனுஷுடன் சந்தானம் ஒருசில படங்களில் மட்டுமே இணைந்து நடித்துள்ள நிலையில் தற்போது இருவரது படங்களும் ஒரே நாளில் ரிலீஸ் ஆவது கோலிவுட்டில் பரபரப்பை ஏற்படுத்தியுள்ளது.
