அதிபர் வேட்பாளர் டொனால்ட் டிரம்ப்பை சுட்டு கொல்ல முயற்சி. அமெரிக்காவில் பரபரப்பு
அமெரிக்க அதிபர் ஒபாமாவின் பதவிக்காலம் வரும் நவம்பரில் முடிவடையவுள்ளதை அடுத்து அந்நாட்டில் அதிபர் தேர்தல் விரைவில் நடைபெறவுள்ளது. இந்த தேர்தலில் ஜனநாயகக் கட்சி வேட்பாளராக டொனால்ட் டிரம்ப் மற்றும் குடியரசுக் கட்சி வேட்பாளராக முன்னாள் அதிபர் பில்கிளிண்டனின் மனைவி ஹிலாரி கிளிண்டன் போட்டியிடுகின்றனர்.
இருவருமே விறுவிறுப்பாக தேர்தல் பிரச்சாரம் செய்து வரும் நிலையில் லாஸ் வேகாஸ் நகரில் நடைபெற்ற ஜனநாயகக் கட்சியின் பிரச்சார நிகழ்ச்சியில் டொனால்ட் டிரம்ப் பிரச்சாரம் செய்து வந்தார். அப்போது அந்த கூட்டத்தில் இருந்த மர்ம நபர் ஒருவர், பாதுகாப்புக்கு நின்றிருந்த ஒரு போலீஸ் அதிகாரியின் துப்பாக்கியை உருவி டொனால்ட் டிரம்ப்பை கொல்லப் பாய்ந்ததால் பரபரப்பு ஏற்பட்டது. ஆனால் போலீஸார் சுதாரித்து அந்த மர்ம வாலிபரை சுற்றி வளைத்து கைது செய்தனர்.
முதல்கட்ட விசாரணையில் கைதான வாலிபரின் பெயர் மைக்கேல் சான்ட்போர்ட் என்றும் அவர் இங்கிலாந்து நாட்டை சேர்ந்தவர் என்றும் தெரியவந்துள்ளது. டொனால்டை சுட்டுக் கொல்லும் திட்டத்துடன் கடந்த ஒன்றரை வருடங்களுக்கு முன்னர் இங்கிலாந்தில் இருந்து அமெரிக்காவுக்கு வந்த மைக்கேல், நியூ ஜெர்சி, கலிபோர்னியா ஆகிய பகுதிகளில் வசித்து வந்ததாகவும் லாஸ் வேகாஸ் பிரச்சார கூட்டத்தின்போது டிரம்ப்பை சுட்டுக்கொல்லும் திட்டத்துடன் கலிபோர்னியாவில் இருந்து லாஸ் வேகாஸ் நகருக்கு மைக்கேல் காரில் வந்ததாகவும் கூறப்படுகிறது.
ஒருவேளை, லாஸ் வேகாஸ் நகரில் தனது திட்டம் பலிக்காவிட்டால், டிரம்ப்பின் அடுத்த பிரச்சாரக் கூட்டத்தில் சுட்டுக் கொலை செய்யும் எண்ணத்தில் பீனிக்ஸ் நகரில் நடைபெறவுள்ள அவரது அடுத்த பிரச்சார கூட்டத்துக்கான டிக்கெட்டையும் மைக்கேல் வாங்கி வைத்துள்ளார்.
இதுகுறித்து அவர் அளித்துள்ள வாக்குமூலத்தில், “லாஸ் வேகாஸ் நகரில் கடந்த சனிக்கிழமை நடைபெற்ற டொனால்ட் டிரம்ப்பின் பிரச்சார நிகழ்ச்சியில் மெட்டல் டிடெக்டர் போன்ற பாதுகாப்பு ஏற்பாடுகள் அதிகம் இருந்ததால் வெறுங்கையுடன் உள்ளே நுழைந்தேன். அங்கு இடுப்பில் இருந்த துப்பாக்கி உறையை சரியாக பூட்டாமல் காவலுக்கு நின்றிருந்த போலீஸ் உயரதிகாரியான அமீல் ஜேக்கப் என்பவரின் துப்பாக்கியை உருவ முயன்று வம்பில் மாட்டிக் கொண்டேன். ஆனால், நான் பிடிபடாமல் சுதந்திரமாக நாளை தெருவில் நடமாட முடிந்தால், நாளையும் அதையே செய்வது என்று திட்டமிட்டிருந்தேன்’ என்று கூறியுள்ளார்.
