‘இறுதிச்சுற்று’ ரித்திகாசிங் நடிப்பில் ‘ஷிவலிங்கா’ ரீமேக்
சூப்பர்ஸ்டார் ரஜினிகாந்த் நடித்த ‘சந்திரமுகி’ உள்பட பல வெற்றி படங்களை இயக்கியவர் பி.வாசு. இவரது இயக்கத்தில் சமீபத்தில் வெளிவந்த கன்னட திரைப்படம் ‘ஷிவலிங்கா. கன்னட சூப்பர் ஸ்டார் சிவராஜ்குமார், வேதிகா நடித்த இந்த படம் 100 நாள் ஓடி சாதனை வசூல் செய்தது.
இந்நிலையில் இந்த படத்தை தமிழில் ரீமேக் செய்ய விரும்பிய பி.வாசு ரஜினியிடம் படத்தை போட்டு காட்டினார். ரஜினிக்கு இந்த படத்தில் நடிக்க விருப்பம்தான் என்றாலும் ஏற்கனவே இரண்டு படங்களில் கமிட் ஆகியுள்ளதால் இரண்டு படங்களும் முடிந்த பின்னர் பார்க்கலாம் என்று கூறிவிட்டார்.
எனவே ரஜினிக்கு பதிலாக ராகவா லாரன்ஸை வைத்து இந்த படத்தை தமிழில் ரீமேக் செய்ய பி.வாசு முடிவு செய்தார். இந்நிலையில் இந்த படத்தில் வேதிகா நடித்த கேரக்டரில் நடிக்க இறுதிச்சுற்று’ நாயகி ரித்திகாசிங்கை அவர் ஒப்பந்தம் செய்துள்ளதாக தகவல்கள் வெளிவந்துள்ளது. மேலும் பி.வாசுவின் மகன் சக்தி முக்கிய கேரக்டரில் நடிக்கவுள்ளதாகவும் இந்த படத்திற்கு தமன் இசையமைக்கவுள்ளதாகவும் கூறப்படுகிறது. இந்த படத்தின் படப்பிடிப்பு இன்னும் ஒருசில நாட்களில் தொடங்கவுள்ளது.
