95 கிலோ எடையுடன் சிம்பு நடிக்கும் புதிய படம்
சிம்பு நடிப்பில் ‘த்ரிஷா இல்லைனா நயன்தாரா படத்தின் இயக்குனர் ஆதிக் ரவிச்சந்திரன் இயக்கவுள்ள ‘அன்பானவன் அசராதவன் அடங்காதவன்’ படத்தின் படப்பிடிப்பு அடுத்த மாதம் முதல் தொடங்கவுள்ள நிலையில் இந்த படத்திற்கான ஆரம்பகட்ட பணிகள் விறுவிறுப்பாக நடைபெற்று வருகிறது. இந்நிலையில் இந்த படத்திற்காக சிம்பு தனது உடல் எடையை அதிகரிக்கவுள்ளதாகவும் அவர் இந்த படத்தின் ஒரு கேரக்டரில் 95 கிலோ எடையுடன் காட்சி அளிப்பார் என்றும் கூறப்படுகிறது
உடல் எடையை அதிகரிக்க இப்பொழுது முதலே சிம்பு ஜிம்முக்கு சென்று வருவதாகவும் இம்மாத இறுதிக்குள் அல்லது அடுத்த மாத முதல் வாரத்திற்குள் இந்த படத்தின் படப்பிடிப்புக்கு சிம்பு தயாராகிவிடுவார் என்றும் கூறப்படுகிறது.,
இந்த படத்திற்கு இசையமைக்க ஒப்பந்தமாகியுள்ள யுவன்ஷங்கர்ராஜா 9 பாடல்களை கம்போஸ் செய்யவுள்ளதாகவும் இந்த படம் இசை மற்றும் நடனம் சம்பந்தப்பட்ட திரைப்படம் என்றும் கூறப்படுகிறது.
