காமராஜர் பல்கலை: பருவமுறை தேர்வு முடிவுகள் வெளியீடு
மதுரை: மதுரை காமராஜர் பல்கலைக்கழக இளநிலை, முதுநிலை (சிபிசிஎஸ்) பருவமுறை ஏப்ரல் 2016 தேர்வு முடிவுகள் வெளியிடப்பட்டுள்ளன.
இதுகுறித்து பல்கலைக்கழக தேர்வானையர் பி.விஜயன் விடுத்துள்ள செய்திக்குறிப்பு: மதுரை காமராஜர் பல்கலைக்கழகத்தின் சிபிசிஎஸ் பருவமுறை இளநிலை மற்றும் முதுநிலைத் தேர்வுகள் கடந்த ஏப்ரலில் நடைபெற்றன. அத்தேர்வுகளுக்குரிய முடிவுகள் தற்போது இணையத்தில் வெளியிடப்பட்டுள்ளன.
தேர்வு முடிவுகளை சம்பந்தப்பட்ட மாணவ, மாணவியர் பல்கலைக்கழக இணையத்தில் www.mkuniversity.org பார்த்து தெரிந்துகொள்ளலாம்.
மறுமதீப்பீட்டிற்கு விண்ணப்பிக்க விம்புவோர் மதிப்பெண் பட்டியல் வரும் வரை காத்திராமல், அதற்குரிய விண்ணப்பங்களை இணையம் மூலமாக பதிவிறக்கம் செய்துகொள்ளலாம்.
மறுமதிப்பீடுக்கான விண்ணப்பங்களைப் பூர்த்தி செய்து வரும் ஜூலை 8 ஆம் தேதி மாலை 5 மணிக்குள் பல்கலைக்கழக தேர்வாணையர் அலுவலகத்தில் கிடைக்குமாறு அனுப்பிடவேண்டும்.
மறுமதிப்பீடுக்கான கட்டணத்தைக் கேட்பு வரவோலை (demand draft) ஆகவோ அல்லது எபிஐ ஆன்லைன் கட்டணமாகவோ (www.onliesbi.com) மட்டுமே செலுத்தவேண்டும்.
குறிப்பிட்ட தேதிக்குப் பின் தாமதமாக வரும் விண்ணப்பங்கள் ஏற்கப்படமாட்டாது. செலுத்திய பணமும் திரும்ப வழங்கப்படமாட்டாது என தேர்வாணையர் குறிப்பிட்டுள்ளார்.
