118 பந்துகளில் 162 ரன்கள். ராயின் அதிரடி ஆட்டத்தால் இங்கிலாந்து அபார வெற்றி
இங்கிலாந்து நாட்டில் சுற்றுப்பயணம் செய்து வரும் இலங்கை கிரிக்கெட் அணி ஏற்கனவே மூன்று ஒருநாள் போட்டிகளில் விளையாடி முடித்த நிலையில் நேற்று 4வது ஒருநாள் போட்டி நடைபெற்றது. இந்த போட்டியில் இங்கிலாந்து அணி 6 விக்கெட் வித்தியாசத்தில் வெற்றி பெற்றுள்ளது. ஆட்டத்திற்கு முன்பே மழை பெய்ததால் இந்த போட்டி 42 ஓவர்கள் கொண்ட போட்டியாக மாற்றப்பட்டது
டாஸ் வென்ற இங்கிலாந்து அணி முதலில் இலங்கையை பேட்டிங் செய்யுமாறு கேட்டுக்கொண்டது. இதனால் முதலில் களமிறங்கிய இலங்கை 42 ஓவர்களில் 5 விக்கெட்டுக்களை இழந்து 305 ரன்கள் எடுத்தது.
42 ஓவர்களில் 306 ரன்கள் எடுக்க வேண்டும் என்ற இமாலய இலக்கை நோக்கி விரட்டிய இங்கிலாந்து அணி தொடக்க ஆட்டக்காரர் ராயின் அதிரடி ஆட்டத்தால் 40.2 ஓவர்களில் 309 ரன்கள் எடுத்து அபார வெற்றி பெற்றது. ராய் 162 ரன்கள் எடுத்து ஆட்டநாயகனாக தேர்வு செய்யப்பட்டார்.
இந்த தொடரில் 2-0 என்ற கணக்கில் இங்கிலாந்து முன்னிலை வகிக்கின்றது. ஒரு ஆட்டம் டையில் முடிந்தது. மற்றொரு ஆட்டம் மழையால் கைவிடப்பட்டது என்பது குறிப்பிடத்தக்கது.
