‘தள்ளி போகாதே’ பாடல் படப்பிடிப்புக்கு சிம்பு வர மறுப்பது ஏன்?
சிம்பு நடிப்பில் கவுதம் மேனன் இயக்கி வரும் ‘அச்சம் என்பது மடமையடா’ படத்தின் படப்பிடிப்பு ஒரே ஒரு பாடல் தவிர முற்றிலும் முடிந்துவிட்டது. சமீபத்தில் ரிலீஸ் ஆகி இளைஞர்களின் மாபெரும் ஆதரவை பெற்ற ‘தள்ளி போகாதே’ பாடல் மட்டுமே படமாக்க வேண்டிய நிலையில் இந்த பாடலின் படப்பிடிப்புக்கு வர சிம்பு மறுப்பதாகவும் எனவே ஒருவேளை இந்த பாடல் இல்லாமல் இந்த படம் வெளிவந்தால் அதற்கு நான் பொறுப்பல்ல என்றும் கவுதம் மேனன் சமீபத்தில் ஒரு பேட்டியில் கூறியிருந்தார்.
இந்த பேட்டியால் சிம்பு தரப்பு கடும் அதிருப்தி அடைந்திருப்பதாக கூறப்படுகிறது. கிட்டத்தட்ட இந்த படம் முடியும் உள்ளதாகவும் ஆனால் இதுவரை இந்த படத்திற்கான சம்பளத்தை கவுதம் மேனன் கொடுக்கவில்லை என்றும் கவுதம் மேனன் மீது சிம்புவுக்கு மிகுந்த மதிப்பும் மரியாதையும் இருந்தாலும் சம்பளம் என்பது அனைவருக்கும் முக்கியம் என்றும் அதனால் சிம்புக்கு தரவேண்டிய சம்பளப்பாக்கியை செட்டில் செய்தால் அந்த பாடல் காட்சியின் படப்பிடிப்புக்கு சிம்பு ஒத்துழைப்பு தர தயாராக இருப்பதாகவும் சிம்பு தரப்பில் இருந்து விளக்கம் அளிக்கப்பட்டுள்ளது.
இதுகுறித்த பேச்சுவார்த்தை விரைவில் நடைபெறும் என்றும் அந்த பேச்சுவார்த்தையில் உடன்பாடு ஏற்படாவிட்டால் தெலுங்கில் மட்டுமே இந்த பாட்டு இருக்கும் என்றும் தமிழில் இந்த பாட்டு இல்லாமலே படம் ரிலீஸ் ஆகும் என்றும் கூறப்படுகிறது.
