த்ரிஷாவின் ‘நாயகி’ ரிலீஸ் திடீர் தள்ளிவைப்பு. ரசிகர்களிடம் இயக்குனர் மன்னிப்பு
இரண்டு வித்தியாசமான வேடங்களில் த்ரிஷா நடித்த திகில் படமான ‘நாயகி’ திரைப்படம் வரும் 7ஆம் தேதி தமிழ் மற்றும் தெலுங்கு என இரண்டு மொழிகளில் வெளியாகும் என்று ஏற்கனவே தகவல் வந்த நிலையில் தற்போது இந்த படத்தின் ரிலீஸ் தேதி ஒருவாரம் தள்ளி வைக்கப்பட்டுள்ளது.
இந்த படத்தின் தமிழ்ப்பதிப்பு சென்சார் செய்வதில் தாமதம் ஏற்பட்டுள்ளதால் இந்த படத்தின் ரிலீஸ் தேதி தள்ளி வைக்கப்பட்டுள்ளதாகவும், இதற்காக ரசிகர்களிடம் மன்னிப்பு கேட்டுக்கொள்வதாகவும் இந்த படத்தின் இயக்குனர் கோவி தனது டுவிட்டரில் தெரிவித்துள்ளார்.
த்ரிஷாவின் மேனேஜர் கிரிதர் தயாரித்துள்ள இந்த படத்தில் த்ரிஷா, கணேஷ் வெங்கட்ராமன், ஜெயப்பிரகாஷ், மனோபாலா, கோவை சரளா, பிரம்மானந்தம் உள்பட பலர் நடித்துள்ளனர். ‘அரண்மனை 2’ படத்தை அடுத்து த்ரிஷா நடிக்கும் அடுத்த திகில் படம் ‘நாயகி’ என்பது குறிப்பிடத்தக்கது.
