அட்லி இயக்கத்தில் அஜித்? விறுவிறுப்பாகும் பேச்சுவார்த்தை
விஜய்யின் சூப்பர் ஹிட் படத்தை இயக்கிய அட்லி, மீண்டும் விஜய்யுடன் இணைவார் என்று எதிர்பார்க்கப்படும் நிலையில் அவர் அஜித்துக்காக ஒரு கதையை தயார் செய்துள்ளதாகவும், அந்த கதையை அஜித் ஓகே செய்துவிட்டதாகவும், அந்த படம் அஜித்தின் 58வது படமாக இருக்கும் என்றும் கோலிவுட்டில் பரபரப்புடன் செய்திகள் வெளிவந்து கொண்டிருக்கின்றது.
விஜய்யின் 61வது படத்தை அட்லிதான் இயக்குவார் என்றும் அந்த படத்தை சிவாஜி புரடொக்ஷன்ஸ் நிறுவனம் தயாரிக்கவுள்ளதாகவும் வெளிவந்த செய்தி கிட்டத்தட்ட உறுதியாகிவிட்ட நிலையில் திடீரென அஜித் பக்கம் அட்லி சாய்ந்தது விஜய் தரப்பை அதிருப்தி அடைய செய்துள்ளதாக கூறப்படுகிறது.
அஜித்-அட்லி இணையவுள்ள திரைப்படத்தின் தயாரிப்பாளர் குறித்த பேச்சுவார்த்தை நடந்து வருவதாகவும், அனேகமாக மிகப்பெரிய இரண்டு ஹிட் படங்களை தயாரித்துள்ள பிரபல தயாரிப்பாளர் இந்த படத்தை தயாரிப்பார் என்றும் கூறப்படுகிறது.
