ஏர் ஆசியாவை அடுத்து ‘கபாலி’யில் இணைந்த ஏர்டெல்
சூப்பர் ஸ்டார் ரஜினிகாந்த் நடித்த ‘கபாலி’ படத்தின் புரமோஷன்களை வித்தியாசமாக செய்து வரும் கலைப்புலி எஸ்.தாணு, உலகிலேயே இதுவரை யாரும் செய்யாத வகையில் விமானத்தில் கபாலி’யின் போஸ்டர்களை பதிவு செய்து விண்ணிலும் ரஜினியை ஜொலிக்க செய்தார்.
மேலும் ஃபைவ் ஸ்டார் சாக்லேட் முதல் பல்வேறு நிறுவனங்கள் ‘கபாலி’யின் புரமோஷனில் கலந்து கொண்டுள்ள நிலையில் தற்போது இந்தியாவின் முன்னணி தொலைத்தொடர்பு நிறுவனமான ஏர்டெல் நிறுவனமும் ‘கபாலி’ புரமோஷனில் இறங்கியுள்ளது.
‘கபாலி’யின் பாடல்கள், ரிங்டோன்கள், பஞ்ச் வசனங்கள் ஆகியவற்றை ஏர்டெல் மொபைலின் மூலம் டவுன்லோடு செய்து கொள்ளலாம். கபாலி’ ரிலீசுக்கு இன்னும் இரண்டு வாரங்கள் உள்ள நிலையில் இன்னும் எந்தெந்த நிறுவனங்கள் இந்த படத்தின் புரமோஷனில் இணைகிறது என்பதை பொறுத்திருந்து பார்ப்போம்
ரஜினிகாந்த், ராதிகா ஆப்தே, தன்ஷிகா, கலையரசன், தினேஷ், ஜான்விஜய், கிஷோர் உள்ளிட்ட பலர் நடித்துள்ள இந்த படத்திற்கு சந்தோஷ் நாராயணன் இசையமைத்துள்ளார். கலைப்புலி எஸ்.தாணு தயாரித்துள்ள இந்த படத்தை பா.ரஞ்சித் இயக்கியுள்ளார்.
