தனுஷ் தயாரிப்பாளர் படத்தில் ஜி.வி.பிரகாஷ்
தனுஷ் நடிப்பில் வெற்றிமாறன் இயக்கிய ‘ஆடுகளம்’ படத்தை தயாரித்த ஸ்ரீக்ரீன் புரடொக்ஷன்ஸ் நிறுவனத்தின் அடுத்த படத்தின் பூஜை நேற்று சென்னையில் நடந்தது. இந்த படத்தின் நாயகனாக ஜி.வி.பிரகாஷ் நடிக்கவுள்ளார்.
ஜி.வி.பிரகாஷ் ஏற்கனவே ‘புரூஸ்லீ’, கடவுள் இருக்குறான் குமாரு’ மற்றும் ராஜீவ் மேனன் இயக்கும் படம் ஆகிய மூன்று படங்களில் நடித்து வரும் நிலையில் தற்போது மேலும் ஒரு படத்தில் நடிக்க கமிட் ஆகியுள்ளார் என்பது குறிப்பிடத்தக்கது. இந்த படத்தை சண்முகம் முத்துசாமி என்பவர் இயக்கவுள்ளார்.
ஜி.வி.பிரகாஷ் தந்தையாக சத்யராஜ் நடிக்கவுள்ளதாகவும், தந்தையை கொலை செய்த வில்லனை புத்திசாலித்தனமாக பழிவாங்கும் மகன் கேரக்டரில் ஜி.வி.பிரகாஷ் நடிக்கவுள்ளதாகவும் கூறப்படுகிறது. மேலும் இந்த படத்தின் முக்கிய கேரக்டரில் தம்பி ராமையா மற்றும் ரோபோ சங்கர் நடிக்கவுள்ளனர்.
ஜி.வி.பிரகாஷே இசையமைக்கவும் உள்ள இந்த படத்திற்கு நா.முத்துகுமார் மற்றும் அருண்காமராஜ் பாடல்கள் எழுதுகின்றனர். , திலீப் சுப்பராயன் சண்டைப்பயிற்சியும், விவேக் ஹர்சன் படத்தொகுப்பாளராகவும் பணிபுரியவுள்ள இந்த படத்தின் படப்பிடிப்பு மிக விரைவில் தொடங்கவுள்ளது.
Dhanush producer commit with G.V.Prakash
