கலை, அறிவியல் பாடங்களுக்கு நாளை 2-ஆம் கட்ட கலந்தாய்வு
புதுச்சேரியில் கலை, அறிவியல் பாடப் பிரிவுகளுக்கான (கபாஸ்) 2-ம் கட்டக் கலந்தாய்வு வரும் புதன்கிழமை தொடங்கி 3 நாள்களுக்கு நடைபெறுகிறது.
புதுச்சேரி தாகூர் கலைக் கல்லூரி, பாரதிதாசன் மகளிர் கல்லூரி, கதிர்காமம் இந்திரா காந்தி கலை அறிவியல் கல்லூரி, கலித்தீர்த்தாள் குப்பம் காமராஜர் கலைக் கல்லூரி, தவளக்குப்பம் ராஜீவ் காந்தி கலை, அறிவியல் கல்லூரி, வில்லியனூர் கஸ்தூரிபா மகளிர் கல்லூரி ஆகிய 6 கல்லூரிகளில் மொத்தம் 2118 இடங்கள் உள்ளன.
இந்த 6 கல்லூரிகளில் கலை அறிவியல் படிப்புக்கான முதற்கட்ட கலந்தாய்வு கடந்த 4-ம் தேதி தொடங்கி 6-ம் தேதி வரை நடைபெற்றது.
இதில் 611 பேருக்கு சேர்க்கை ஆணை வழங்கப்பட்டது. இன்னும் 1,407 இடங்கள் காலியாக உள்ளன.
காலியாகவுள்ள இடங்களை நிரப்புவதற்கான 2-ம் கட்ட கலந்தாய்வு ஜூலை 13, 14, 15 ஆகிய தேதிகளில் நடைபெறும் என கபாஸ் நிர்வாகம் அறிவித்துள்ளது.
அதன்படி, 13-ம் தேதி காலை சிறந்த விளையாட்டு வீரர்களுக்கான கலந்தாய்வு நடைபெறுகிறது. அதன்பின்னர், கலை, அறிவியல் பாடப்பிரிவுக்கான கலந்தாய்வு தொடங்கி 15-ம் தேதி வரை நடைபெறுகிறது.
மொத்தம் 729 மாணவ, மாணவிகளுக்கு அழைப்புக் கடிதம் அனுப்பப்பட்டுள்ளது. மேலும், பல்வேறு கல்லூரிகளில் பாடப் பிரிவுகளில் மாறுதல் கோரிய 75 பேருக்கும் மாறுதல் ஆணைகள் வழங்கப்பட்டுள்ளன.
