சிவகார்த்திகேயனின் ‘ரெமோ’ ரிலீஸ் தேதி அதிகாரபூர்வ அறிவிப்பு
சிவகார்த்திகேயன், கீர்த்திசுரேஷ் நடித்துள்ள ‘ரெமோ’ படத்திற்கு வழக்கத்தை விட அதிக எதிர்பார்ப்பு ஏற்பட்டுள்ளது என்று அவ்வப்போது செய்திகள் வெளிவந்து கொண்டிருக்கின்றது. இந்த படத்தில் நர்ஸ் உள்பட பல வித்தியாசமான வேடங்களில் சிவகார்த்திகேயன் நடித்துள்ளார். ஹாலிவுட் மேக்கப் கலைஞர்களின் கைவண்ணத்தில் தத்ரூபமாக நர்ஸ் வேடம் அமைந்துள்ளதால் இந்த கேரடரை திரையில் பார்க்க ரசிகர்கள் மிகுந்த ஆர்வத்தில் உள்ளனர்.
இந்நிலையில் இந்த படத்தின் ரிலீஸ் தேதி அதிகாரபூர்வமாக அறிவிக்கப்பட்டுள்ளது. வரும் அக்டோபர் மாதம் 7ஆம் தேதி ‘ரெமோ’ படம் ரிலீஸ் ஆகிறது என்று இந்த படத்தின் தயாரிப்பு நிறுவனம் அதிகாரபூர்வமாக அறிவித்துள்ளது. ஆயுதபூஜை விடுமுறை தினத்தில் இந்த படம் ரிலீஸ் ஆவதால் ஓப்பனிங் வசூல் எதிர்பார்த்ததைவிட அதிகம் இருக்கும் என எதிர்பார்க்கப்படுகிறது.
24 ஏஎம் ஸ்டுடியோஸ் ஆர்.டி.ராஜா தயாரித்து வரும் இந்த படத்தில் சிவகார்த்திகேயன், கீர்த்திசுரேஷ், சதீஷ், கே.எஸ்.ரவிகுமார் உள்பட பலர் நடித்துள்ளனர். பி.சி.ஸ்ரீராம் ஒளிப்பதிவும், ரூபன் படத்தொகுப்பும் செய்துள்ள இந்த படத்தை பாக்யராஜ் கண்ணன் இயக்கியுள்ளார்.
