சீரியஸ் செல்வராகவனும் காமெடி சந்தானமும் இணையும் படம்
‘காதல் கொண்டேன்’ படம் முதல் தற்போது இயக்கி வரும் ‘நெஞ்சம் மறப்பதில்லை’ படம் வரை சீரியஸ் ஆன படங்களை மட்டுமே இயக்கியவர் செல்வராகவன். அதேபோல் சீரியஸ் படம் என்றால் என்ன என்றே தெரியாமல் முழுக்க முழுக்க காமெடி வேடங்களில் நடித்து வருபவர் சந்தானம். இவர்கள் இருவரும் ஒரு படத்தில் இணைந்தால் எப்படி இருக்கும்?
ஆம், செல்வராகவனின் அடுத்த பட நாயகன் சந்தானம். இந்த தகவலை சந்தானம் மற்றும் செல்வராகவன் ஆகிய இருவருமே டுவிட்டரில் உறுதி செய்துள்ளனர். இந்த படம் குறித்த மேலும் தகவல்கள் விரைவில் வெளிவரும் என்று தற்போது சந்தானம் நடித்து வரும் ‘சர்வர் சுந்தரம்’ படத்தின் படப்பிடிப்பு முடிந்தவுடன் இந்த படத்தின் படப்பிடிப்பு தொடங்கும் என்றும் கூறப்படுகிறது.
இந்நிலையில் செல்வராகவன் இயக்கியுள்ள ‘நெஞ்சம் மறப்பதில்லை’ திரைப்படத்தின் போஸ்ட் புரடொக்ஷன்ஸ் பணிகள் ஆரம்பமாகிவிட்டதாகவும் வரும் செப்டம்பர் மாதம் இந்த படம் வெளியாகும் என்றும் செய்திகள் வெளிவந்துள்ளது.
