தனுஷுடன் 3வது முறையாக இணையும் விஜய்சேதுபதி
தனுஷ் நடித்த ‘புதுப்பேட்டை’ படத்தில் ஒரு சிறிய கேரக்டரில் விஜய்சேதுபதி நடித்திருந்தார். பின்னர் நீண்ட இடைவெளிக்கு பின்னர் தனுஷ் தயாரித்த ‘நானும் ரெளடிதான்’ படத்தில் விஜய்சேதுபதி ஹீரோவாக நடித்தார். இந்த படம் விஜய்சேதுபதிக்கு பெரிய திருப்பத்தை கொடுத்தது என்பது குறிப்பிடத்தக்கது.
இந்நிலையில் மீண்டும் தனுஷுடன் இணைகிறார் விஜய்சேதுபதி. வெற்றிமாறன் இயக்கத்தில் தனுஷ் நடித்து வரும் ‘வடசென்னை’ படத்தில் விஜய்சேதுபதி சிறப்பு தோற்றத்தில் நடிக்கவுள்ளதாகவும், விஜய்சேதுபதி இதுவரை நடித்திராத வித்தியாசமான கேரக்டர் என்றும் கூறப்படுகிறது.
தனுஷ், அமலாபால், ஆண்ட்ரியா, சமுத்திரக்கனி, கிஷோர், கருணாஸ் உள்ளிட்ட பலர் நடிக்கும் இந்த படத்திற்கு சந்தோஷ் நாராயணன் இசையமைக்கவுள்ளார். தனுஷின் வொண்டர்பார் பிலிம்ஸ் நிறுவனம் மற்றும் லைகா நிறுவனம் இணைந்து தயாரிக்கும் இந்த படம் மூன்று பாகங்களாக வெளிவரும் என்று கூறப்படுகிறது.
