சைக்கிள் ஒலிம்பிக் சாம்பியனின் அம்மா சைக்கிள் விபத்தில் பலி
ஒலிம்பிக் போட்டியில் சைக்கிள் பந்தயத்தில் சாம்பியன் பட்டம் பெற்ற கிரிஸ் போர்டுமேன் என்பவரின் அம்மா, நேற்று நடைபெற்ற சாலை விபத்தில் பரிதாபமாக பலியானார். சைக்கிளால் உலகப்புகழ் பெற்ற கிரிஸ் போர்டுமேன் அதே சைக்கிளால் தனது அம்மாவை இழந்தார் என்பது குறிப்பிடத்தக்கது.
கிர்ஸ் போர்டுமேன் அவர்களின் அம்மா கரோல் என்பவர் நேற்று அமெரிக்காவில் உள்ள வடகிழக்கு வேல்ஸ் பகுதியில் சைக்கிளில் சென்று கொண்டிருந்தார். அப்போது அவருக்கு எதிரே வந்த பைக் ஒன்று தாறுமாறாக ஓடி, கரோலின் சைக்கிள் மேல் மோதியது.
இதனால் படுகாயம் அடைந்த கரோல் உடனடியாக மருத்துவமனைக்கு எடுத்து செல்லப்பட்டார். ஆனால் சிகிச்சையின் பலனின்றி அவர் மரணம் அடைந்துவிட்டதாக மருத்துவர்கள் தெரிவித்தனர். இந்த தகவலை கிர்ஸ்போர்டுமேன் மிக வருத்ததுடன் தனது டுவிட்டரில் தெரிவித்திருந்தார் என்பது குறிப்பிடத்தக்கது.
