இங்கிலாந்தை வீழ்த்தியது பாகிஸ்தான். 75 ரன்கள் வித்தியாசத்தில் வெற்றி
இங்கிலாந்து சுற்றுப்பயணம் செய்து வரும் பாகிஸ்தான் அணி, லண்டனில் நடைபெற்ற முதல் டெஸ்ட் போட்டியில் 75 ரன்கள் வித்தியாசத்தில் அபார வெற்றி பெற்றது. முதல் டெஸ்ட்டில் சொந்த மண்ணில் இங்கிலாந்து மோசமான பேட்டிங் காரணமாக தோல்வி அடைந்தது.
முன்னதாக டாஸ் வென்ற பாகிஸ்தான் முதலில் பேட்டிங் செய்து 339 ரன்கள் குவித்தது. மிஸ்பா உல் ஹக் 114 ரன்கள் எடுத்தார்.
பின்னர் முதல் இன்னிங்ஸை ஆடிய இங்கிலாந்து 272 ரன்கள் மட்டுமே எடுத்தது. தொடக்க ஆட்டக்காரர் குக் 81 ரன்கள் எடுத்தார்.
இதனால் 67 ரன்கள் அதிக எடுத்திருந்த பாகிஸ்தான் இரண்டாவது இன்னிங்ஸில் 215 ரன்களுக்கு ஆட்டமிழந்தது. எனவே வெற்றி பெற 282 ரன்கள் தேவை என்ற நிலையில் களத்தில் இறங்கிய இங்கிலாந்து அணி 207 ரன்கள் மட்டுமே எடுத்து 75 ரன்கள் வித்தியாசத்தில் தோல்வி அடைந்தது. 10 விக்கெட்டுக்களை எடுத்த யாஷிர் ஷா ஆட்டநாயகனாக தேர்வு செய்யப்பட்டார்.
இரு அணிகளுக்குமான 2வது டெஸ்ட் போட்டி ஜூலை 22ஆம் தேதி மான்செஸ்டரில் நடைபெறவுள்ளது.
