ஏ.ஆர்.முருகதாஸின் அடுத்த படத்தில் நதியா
மகேஷ்பாபுவின் நடிப்பில் இயக்குனர் ஏ.ஆர்.முருகதாஸ் இயக்கவுள்ள ‘வாஸ்கோடகாமா’ என்ற திரைப்படத்தின் படப்பிடிப்பு இன்னும் பத்து நாட்களில் தொடங்கவுள்ள நிலையில் இந்த படத்தில் நடிக்கும் நடிகர், நடிகையர் தேர்வு விறுவிறுப்பாக நடந்து வருகிறது.
மகேஷ்பாபுவுக்கு ஜோடியாக ராகுல் ப்ரித்திசிங் நடிக்கவுள்ளதை அடுத்து இந்த படத்தின் வில்லனாக எஸ்.ஜே.சூர்யா நடிக்கவுள்ளார் என்பதை ஏற்கனவே பார்த்தோம். இந்நிலையில் இந்த படத்தில் எஸ்.ஜே.சூர்யாவுக்கு ஜோடியாக நடிக்க நதியா ஒப்பந்தமாகியுள்ளதாகவும், முதல்முறையாக வில்லனுக்கு ஜோடியாக நடிக்க நதியா சம்மதம் தெரிவித்துள்ளதற்கு ஒரே காரணம் ஏ.ஆர்.முருகதாஸ் மேல் இருந்த நம்பிக்கை என்றும் கூறப்படுகிறது.
இந்த படத்திற்கு ஹாரீஸ் ஜெயராஜ் இசையமைக்கவுள்ளார். தமிழ், தெலுங்கு மற்றும் இந்தி என மூன்று மொழிகளில் ஒரே நேரத்தில் தயாராகவுள்ள இந்த படத்தை ரிலையன்ஸ் உள்பட ஐந்து முன்னணி நிறுவனங்கள் இணைந்து தயாரிக்கின்றன என்பது குறிப்பிடத்தக்கது.
மகேஷ்பாபு-ஏ.ஆர்.முருகதாஸ் படத்தின் டைட்டில் இதுதானா?
