இந்திய அணிக்கு இன்னிங்ஸ் வெற்றி. சொந்த மண்ணில் மே.இ.தீவுகள் பரிதாபம்
விராத் கோஹ்லி தலைமையிலான இந்திய அணி மேற்கிந்திய தீவுகளுக்கு சுற்றுப்பயணம் செய்து வருகிறது. கடந்த 21ஆம் தேதி ஆரம்பித்த முதல் டெஸ்ட்போட்டியில் இந்திய அணி ஒரு இன்னிங்ஸ் மற்றும் 92 ரன்கள் வித்தியாசத்தில் வெற்றி பெற்றது. சொந்தமண்ணில் மேற்கிந்திய தீவுகள் அணி பரிதாப தோல்வி அடைந்தது.
டாஸ் வென்ற இந்திய அணி முதலில் பேட்டிங் செய்து முதல் இன்னிங்ஸில் 566 ரன்கள் எடுத்து டிக்ளேர் செய்தது. கேப்டன் விராத்கோஹ்லி 200 ரன்கள் எடுத்தார். இதனையடுத்து முதல் இன்னிங்ஸை ஆடிய மே.இ.தீவுகள் அணி 243 ரன்களுக்கு அனைத்து விக்கெட்டுக்களையும் இழந்து ஃபாலோ ஆன் ஆனது.
பின்னர் மீண்டும் 2வது இன்னிங்ஸில் பேட்டிங் செய்த மே.இ.தீவுகள் அணி, 78 ஓவர்களில் 231 ரன்களுக்கு ஆட்டமிழந்தது. இரு இன்னிங்ஸிலும் சேர்த்தே 474 ரன்கள் மட்டுமே மே.இ.தீவுகள் அணி எடுத்ததால் இன்னிங்ஸ் தோல்வி அடைந்தது. இரண்டாவது இன்னிங்ஸில் அஸ்வின் மிக அபாரமாக பந்துவீசி 7 விக்கெட்டுக்களை சாய்த்து ஆட்டநாயகன் விருதினை பெற்றார்.
