மே.கி.தீவுகளுக்கு எதிரான 2வது டெஸ்ட். அஸ்வின் அபாரம்
இந்திய கிரிக்கெட் அணி தற்போது மேற்கிந்திய தீவுகள் சுற்றுப்பயணம் செய்து டெஸ்ட் போட்டிகளில் விளையாடி வருகிறது. ஏற்கனவே முதல் டெஸ்ட்டில் இன்னிங்ஸ் வெற்றி பெற்ற இந்திய அணி நேற்று அந்த அணியுடன் இரண்டாவது டெஸ்ட் போட்டியில் விளையாடியது.
டாஸ் வென்ற மேற்கிந்திய தீவுகள் அணி முதலில் பேட்டிங் செய்து 196 ரன்களுக்கு ஆட்டமிழந்தது. பிளாக்வுட் 62 ரன்களும், சாமுவேல் 37 ரன்களும் எடுத்தனர். இந்திய அணி தரப்பில் அஸ்வின் அபாரமாக பந்துவீசி 5 விக்கெட்டுக்களை சாய்த்தார். இஷாந்த் சர்மா, ஷமி ஆகியோர் தலா 2 விக்கெட்டுக்களையும், மிஸ்ரா ஒரு விக்கெட்டையும் வீழ்த்தினர்.
பின்னர் முதல் இன்னிங்ஸை விளையாடிய இந்திய அணி 37 ஓவர்களில் ஒரு விக்கெட் இழப்பிற்கு 126 ரன்கள் எடுத்துள்ளது. ராகுல் 75 ரன்களுடனும், புஜாரா 18 ரன்களுடனும் ஆட்டமிழக்காமல் உள்ளனர். தவான் 27 ரன்களுக்கு ஆட்டமிழந்தார்.
