விஜய் 61 படத்தின் இயக்குனர் யார்? 3 இயக்குனர்கள் இடையே கடும் போட்டி
இளையதளபதி விஜய் நடித்து வரும் ‘விஜய் 60’ படத்தின் படப்பிடிப்பே பாதிதான் முடிந்துள்ளது. அதற்குள் அவருடைய அடுத்த படத்தை இயக்க மூன்று இயக்குனர்கள் போட்டியில் உள்ளதாக செய்திகள் வெளிவந்துள்ளது.
முதலாவதாக ‘கபாலி’ இயக்குனர் ரஞ்சித். ‘கபாலி’ வெற்றிக்கு பின்னர் சமீபத்தில் இளையதளபதியை சந்தித்து ஒரு கதையை கூறியதாகவும், அந்த கதை விஜய்யை கவர்ந்துவிட்டதால் கூடிய விரைவில் விஜய்-ரஞ்சித் இணையும் படம் குறித்த தகவல் வெளிவரும் என்று கூறப்படுகிறது.
இரண்டாவதாக ‘தெறி’ இயக்குனர் அட்லி. ‘தெறி’ படத்தை அடுத்து மீண்டும் ஒரு வாய்ப்பு அட்லிக்கு கொடுக்க ஏற்கனவே முடிவெடுத்துவிட்ட விஜய், ‘தெறி 2’ அல்லது வேறு ஒரு புதிய கதையில் கண்டிப்பாக நடிக்கவுள்ளதாக கூறப்படுகிறது. இந்த படத்தை சிவாஜி புரடொக்ஷன்ஸ் நிறுவனம் தயாரிக்கவுள்ளதாகவும் கூறப்படுகிறது.
மூன்றாவதாக ஸ்ரீதேனாண்டாள் பிலிம்ஸ் நிறுவனத்தின் 100வது மெகா பட்ஜெட் படத்தில் சுந்தர் சி இயக்கத்தில் விஜய் நடிக்கவுள்ளதாக கூறப்படுகிறது.
மேற்கண்ட மூன்று இயக்குனர்களில் விஜய் 61 படத்தை இயக்க அட்லிக்கு வாய்ப்பு அதிகம் என்றும் விஜய் 62 படத்தை ரஞ்சித் இயக்கவுள்ளதாகவும் கூறப்படுகிறது. மேலும் சரித்திர கதையில் ‘புலி’க்கு பின்னர் மீண்டும் ரிஸ்க் எடுக்க விஜய் விரும்பவில்லை என்றும் எனவே சுந்தர் சி இயக்கத்தில் அவர் நடிப்பது சந்தேகம்தான் என்றும் கூறப்படுகிறது.
