13 ஆண்டுகளுக்கு பின் மீண்டும் உருவாகிறது ‘சாமி 2’
கடந்த 2003ஆம் ஆண்டு விக்ரம், த்ரிஷா நடிப்பில் ஹரி இயக்கிய வெற்றி திரைப்படம் ‘சாமி. இந்த படம் பட்டிதொட்டியெங்கும் சூப்பர் ஹிட் ஆகி வசூலை குவித்த நிலையில் தற்போது 13 ஆண்டுகளுக்கு பின்னர் இந்த படத்தின் இரண்டாம் பாகம் உருவாகவுள்ளதாக அறிவிக்கப்பட்டுள்ளது.
இந்த தகவலை இன்று இயக்குனர் ஹரி, ‘இருமுகன்’ படத்தின் இசை வெளியீட்டு விழாவில் அறிவித்தார். ‘சாமி 2’ படத்தின் இசையமைப்பாளர் ஹாரீஸ் ஜெயராஜ், தயாரிப்பாளர் ‘இருமுகன்’ தயாரிப்பாளர் ஷிபுதமீன்ஸ் என்றும் அவர் மேலும் அறிவித்துள்ளார்.
ஹரி தற்போது ‘சிங்கம் 3’ படத்தை விறுவிறுப்பாக இயக்கி வருகிறார். இந்த படத்தின் படப்பிடிப்பு விரைவில் முடிவடையவுள்ளது. இந்த படத்தை முடித்துவிட்டு அவர் விக்ரமுடன் இணைந்து ‘சாமி 2’ படத்தை இயக்குவார் என தெரிகிறது. ஏற்கனவே விக்ரம் நடித்த ‘சாமி’ மற்றும் ‘அருள்’ ஆகிய இரண்டு விக்ரம் படங்களை ஹரி இயக்கியுள்ளார் என்பது குறிப்பிடத்தக்கது.
